Перамога ў абласным туры «100 ідэй для Беларусі»
10 снежня 2021
Рэспубліканскі маладзёжны інавацыйны праект «100 ідэй для Беларусі» - гэта тое, што трэба і цікава моладзі!
Мэта праекта - актываваць інавацыйнае мысленне моладзі, прыцягнуць яе да вырашэння задач сацыяльна-эканамічнага развіцця Рэспублікі Беларусь, стымуляваць грамадзянскія ініцыятывы да рэалізацыі інавацыйных праектаў і навукова-тэхнічных распрацовак.
Яго арганізатарамі выступаюць Беларускі рэспубліканскі саюз моладзі, Дзяржаўны камітэт па навуцы і тэхналогіях пры падтрымцы Міністэрства адукацыі Рэспублікі Беларусь.
9 снежня ў г.Орша адбыўся абласны этап конкурсу «100 ідэй для Беларусі». Удзельнікі праекта - работнікі лакаматыўнага дэпо Орша імя К.С.Заслонава заўважылі, што чым вышэйшы ўзровень, тым складаней прэзентаваць і абараніць свой праект. Нягледзячы на тое, што іх праект дастойны і моцны, ім прыйшлося нялёгка. Дзейнічалі як адна дружная згуртаваная каманда, адказвалі на вялікую колькасць пытанняў.
Каманда ў складзе Дзяніса Дзерваеда, Дзмітрыя Герасіменкі і Эдуарда Яўменава - адзіная з Аршанскага рэгіёну прайшла ў фінальны этап.
Віншуем з чарговай перамогай!
Да спісу навін за 2021 год