Адбыліся першыя спаборніцтвы Спартакіяды Беларускай чыгункі 2013 года
18 лютага 2013
Адкрыццё адбылося на лыжнай трасе ў пасёлку Мір (10 км ад г. Баранавічы) 16 лютага. Гаспадары спаборніцтваў – УП “Баранавіцкае аддзяленне чыгункі – стварылі выдатныя ўмовы для правядзення спаборніцтваў па лыжных гонках.
Каманда Мінскага аддзялення чыгункі заняла другое месца, саступіўшы ўсяго толькі адно ачко пераможцам спаборніцтваў – камандзе Баранавіцкага аддзялення.
У асабістым першынстве вылучыліся наступныя работнікі Мінскага аддзялення чыгункi:
Казакевіч Ірына (апарат НОД-1) – 1-ае месца ў гонцы 3 км у катэгорыі “жанчыны ад 40 гадоў;
Якаўлеў Валерый (НГЧ-1) – 2-ое месца ў гонцы 5 км у катэгорыі “мужчыны ад 40 гадоў;
Макей Ірына (ВЧ-1) – 2-ое месца ў гонцы 3 км у катэгорыі “жанчыны да 40 гадоў;
Осіпаў Аляксей (ТЧ-15) – 4-ае месца ў гонцы 5 км у катэгорыі “мужчыны да 40 гадоў.
У эстафеце наша каманда заняла першае месца.
Агульнакамандныя месцы размеркаваліся наступным чынам:
1-ае месца - УП “Баранавіцкае аддзяленне чыгункі;
2-ое месца - УП “Мінскае аддзяленне чыгункі;
3-яе месца - УП “Магілёўскае аддзяленне чыгункі;
4-ае месца - УП “Гомельскае аддзяленне чыгункі;
5-ае месца - УП “Віцебскае аддзяленне чыгункі;
6-ае месца - УП “Брэсцкае аддзяленне чыгункі.
Да спісу навін за 2013 год