11 ліпеня 2016

Адным з дэлегатаў, якія прадстаўлялі Беларускую чыгунку на V Усебеларускім народным сходзе, быў начальнік аддзела перавозак Мінскага аддзялення Андрэй Сладкевiч.

У канцэртнай зале КСЦ сталічнага аддзялення ён сустрэўся з работнікамі прадпрыемстваў Мінскага і Маладзечанскага вузлоў, каб падзяліцца сваімі ўражаннямі ад рэспубліканскага форуму і пазнаёміць калегаў з асноўнымі тэзісамі Праграмы сацыяльна-эканамічнага развіцця рэспублікі на 2016 — 2020 гады.

Для нашай краіны гэта было важнае мерапрыемства. На ім падводзіліся вынікі працы за апошнія гады, абмяркоўваліся планы на наступныя пяць гадоў, — адзначыў Андрэй Мікалаевіч. — У форуме прынялі ўдзел 2,5 тыс. Дэлегатаў, але можна лічыць, што практычна кожны беларус праз абранага прадстаўніка ад розных калектываў і партый стаў яго удзельнікам. Адкрываючы форум, Прэзідэнт краіны Аляксандр Лукашэнка звярнуў увагу на тое, што ўсім нам трэба будзе абмеркаваць праграму дзеянняў, а не чаканняў. Адна з яе асаблівасцяў заключаецца ў тым, што гэты дакумент рэальны — без лішніх абяцанняў і нязбытных планаў, у якім аналізуюцца ня толькі аб'ектыўныя цяжкасці, але і памылкі. А ў аснову пакладзены прынцыпы прагрэсу і адкрытасцi, зробленая стаўка на веды і тэхналогіі. Гэта праграма эвалюцыйнага развіцця.

У размове з калегамі Андрэй Сладкевiч таксама звярнуў увагу на вынікі работы краіны за апошнія гады, пра якія ішла гаворка на форуме. Беларусам ёсць чым ганарыцца. Мы ўвайшлi ў ТОП-50 краін свету з высокім узроўнем чалавечага развіцця. Павысіліся памеры сацыяльных гарантый і даходаў насельніцтва. Істотна палепшылася дэмаграфія. На сусветны ўзровень выйшла айчынная медыцына — па ўсіх без выключэння напрамках. Працягвалася масавае будаўніцтва даступнага жылля. Праведзена маштабная мадэрнізацыя прамысловасці і сельскай гаспадаркі. Узяты курс на паскораную інфарматызацыю: у глабальным рэйтынгу Міжнароднага саюза электрасувязі па развіцці інфармацыйна-камунікацыйных тэхналогій Беларусь паднялася з 50-га месца ў 2010 годзе на 36-е ў 2015-м, апярэдзіўшы ўсе краіны СНД. Па экспарту камп'ютэрных і інфармацыйных паслуг на душу насельніцтва наша краіна таксама знаходзіцца сярод сусветных лідэраў. Але на новым этапе развіцця (пасля аднаўлення і стабілізацыі) неабходна перайсці ад «даганяючай» стратэгіі да «апераджальнай». Менавіта такая тэза, паводле слоў Андрэя Сладкевiча, агучыў перад дэлегатамі сходу кіраўнік дзяржавы Аляксандр Лукашэнка. Працаваць сёння трэба вынікова, максімальна скарачаючы выдаткі. Гэтыя задачы датычацца і транспартнікаў. Дарэчы, пытанні развіцця чыгуначнага гаспадаркі тых, хто сабраўся ў КСЦ, цікавілі ў першую чаргу.

Андрэй Мікалаевіч адзначыў, што новы імпульс развіцця галіны дало будаўніцтва завода па вытворчасці сучасных электрацягнікоў у Фаніпале. Гаварылася і аб пашырэнні транзітнага патэнцыялу шляхам мадэрнізацыі міжнародных транспартных калідораў, якія праходзяць праз Рэспубліку Беларусь, аб павелічэнні прапускной здольнасці пунктаў пропуску на дзяржаўнай мяжы. У гэтым кірунку ўжо шмат зроблена: электрыфікаваны ўчастак Асіповічы — Жлобін — Гомель, аналагічныя працы вядуцца і на ўчастку Маладзечна — Гудагай — дзяржмяжа з Літвой. Будуюцца транспартна-лагістычныя цэнтры, якія забяспечваюць дастаўку грузаў кліенту «ад дзвярэй да дзвярэй» і якія прадстаўляюць максімальны спектр лагістычных паслуг. У перспектыве, у 2016 — 2020 гадах, будзе рэалізавана больш за 80 буйных інвестыцыйных праектаў з аб'ёмам укладанняў звыш 27 млрд. даляраў. Закрануць яны і чыгуначны транспарт.

Галоўным вынікам работы сходу Андрэй Сладкевiч назваў вызначэнне прыярытэтаў працы дзяржавы на бліжэйшыя пяць гадоў. Гэта — інвестыцыі, прычым не толькі дэдалікатныя, але і найноўшыя вопыт і тэхналогіі, занятасць насельніцтва, праца на экспарт — як аснова эканомікі, інфарматызацыя і, вядома ж, падтрымка моладзі - будучыні нашай краіны.

Вольга НІКАЛАЕВА