.png)
Снягурка з гарачым сэрцам
02 студзеня 2017
Так калегі і знаёмыя называюць начальніка разліковага цэнтра Мінскага аддзялення дарогі Наталлю Пстыгу.
Вось ужо некалькі гадоў напярэдадні Новага года яна апранае святочны касцюм і са сваімі калегамі адпраўляецца віншаваць дзетак у сталічны дзіцячы дом «СемЯ», над якім шэфствуе
Мінскае аддзяленне.
- Да дзяцей, а тым больш да тых, хто выхоўваецца без бацькоў, трэба ставіцца з адкрытым і шчырым сэрцам, - кажа Наталля. - Бо для іх Снягурка - гэта чараўніца, якая можа выканаць любое жаданне.
З уласнага досьведу ведаю, ёй давяраюць самае патаемнае. Яна ўвасабляе сабой дабро, што робіць яе ў вачах дзяцей добрым анёлам. Напэўна, у гэтым галоўная місія гэтак любімага ўсімі казачнага
персанажа. І я шчаслівая ад таго, што магу падарыць ім надзею на лепшае, сагрэць іх сваёй любоўю.
Упершыню гэты добры светлы вобраз Наталля прымерыла на сябе два гады таму, калі ёй прапанавалі павіншаваць дзяцей чыгуначнікаў. Лёгкая на ўздым, яна з радасцю пагадзілася. Бо з ранніх гадоў з
задавальненнем ўдзельнічала ў мастацкай самадзейнасці: спявала ў школьным хоры, займалася ў гуртку мастацкага чытання, у тэхнікуме гуляла ў камандзе КВЗ. Акрамя таго, з юнацтва Наталля вядзе актыўны
лад жыцця - любіць бегаць, хадзіць на лыжах, ездзіць на ровары. Пазітыўнасць і жыццялюбства тонка адчуваюць дзеці. З імі яна лёгка знаходзіць агульную мову. Нездарма калісьці хацела стаць
настаўнікам. Акрамя таго, такія зносіны, на думку чыгуначнiцы, натхняе на добрыя ўчынкі, ачышчае.
Родам яна з старадаўняга рускага горада Ціхвін, вядомага сваёй цудатворнай іконай Божай маці. Але вырасла ў беларускім горадзе Шчучын. Прафесію выбрала па радзе сваяка-чыгуначніка з Оршы, у
якога часта гасцявалі з сям'ёй. Пасля Аршанскага тэхнікума чыгуначнага транспарту здольную выпускніцу запрасілі ў Мінскае аддзяленне дарогі. За шэсць гадоў працы таварным касірам на двух
буйных грузавых станцыях вузла - Мінск-Паўночны і Сцяпянка яна набыла вялікі вопыт. Двойчы ўдзельнічала ў конкурсах прафесійнага майстэрства: была першай сярод сваіх калегаў у аддзяленні і другой -
на магістралі. У гэты ж час вучылася ў БелДУТ па спецыяльнасці «эканаміст-менеджэр». Яе патэнцыял заўважылі і ў 2002 годзе прапанавалі перайсці ў толькі што ўтварыўся разліковы
цэнтр. Тут Наталля прайшла усе прыступкі прафесійнага станаўлення: была тэхнікам, бухгалтарам, намеснікам начальніка. У 2013-м ўзначаліла ОРЦ.
... Напярэдадні гэтага Новага года Наталля з калегамі зноў віншавала выхаванцаў дзіцячага дома. А сёння падарункі і цяпло свайго гарачага сэрца яна падорыць сыну Аляксандру. Ён вельмі ганарыцца
мамай Снягуркай. Праўда, для гэтага ёй зусім не абавязкова апранаць казачны касцюм. Для сваёй сям'і яна заўсёды чараўніца.
Вольга АРЛОВА
