.png)
Вызначылі лепшых
16 лютага 2017
Вынікі аглядаў-конкурсаў па ахове працы падведзены ў Мінскім аддзяленні.
.jpg)
Гелиоколлектор, які ўсталяваны на ПТА станцыі Сцяпянка, значна палепшыў санітарна-бытавыя ўмовы работнікаў.
Камісія ацэньвала працу прадпрыемстваў у плане стварэння і паляпшэння санітарна-бытавых умоў для сваіх супрацоўнікаў, а таксама ўмовы працы на рабочых месцах і
прывядзенне іх у адпаведнасць з патрабаваннямі гігіенічных нарматываў.
Ўлічваліся такія крытэрыі, як паляпшэнне стану санітарна-бытавых памяшканняў, забяспечанасць работнікаў сродкамі індывідуальнай абароны, вывядзенне іх з шкодных і небяспечных
умоў працы, каэфіцыент эфектыўнасці правядзення «Дзён аховы працы і прамысловай бяспекі". Да ўвагі прымаліся затраты на мерапрыемствы і эканомія грашовых сродкаў
у сувязі з паляпшэннем умоў працы, а таксама колькасць і эканамічная эфектыўнасць рацыяналізатарскіх прапаноў, наяўнасць сертыфіката адпаведнасці СТБ 18001, праца грамадскіх
інспектараў. Ўлічваліся факты парушэння працоўнай дысцыпліны, колькасць дапушчаных выпадкаў вытворчага траўматызму, канфіскацыя папераджальных талонаў па ахове працы.
Аўтсайдарам аглядаў-конкурсаў стала Мінская дыстанцыя электразабеспячэння: ў 2016 годзе тут адбылося два выпадкі траўміравання работнікаў.
У плане стварэння і паляпшэння санітарна-бытавых умоў лідэрам названа Аршанскае вагоннае дэпо. Тут правялі бягучы рамонт фасада і даху будынка механічнага і слясарнай цэхаў,
а таксама памяшканні ўчастка па рамонце і вырабу дэталяў вагонаў. Ўкараненне рацыяналізатарскай прапановы «Кантавальнік для надрысорных бэлек» дазволіла ліквідаваць
шкодныя і небяспечныя фактары работы дэфектаскапіста па ўльтрагукавому і магнітнаму кантролю вагонасборачнага ўчастка, у прыватнасці, выключыць перасоўванне частак абсталявання і выкарыстанне
сціснутага паветра.
Другое месца прысуджана сталічнай дыстанцыі шляху. У першую чаргу, за кошт абнаўлення бытавых памяшканняў на станцыі Мінск-Сартавальны. Тут выканалi бягучы рамонт і
ўцяплілi будынак, замянілі вокны, уладкавалi два пакоі прыёму ежы, абновiлi гардэробныя памяшканні. А замена ў бытоўках дыстанцыі люмінесцэнтных лямпаў на энергазберагальныя дазволіла
не толькі значна эканоміць сродкі, але і палепшыць якасць асвятлення.
Гэтым жа пытанням вялікую ўвагу надаюць і ў сталічным лакаматыўным дэпо. У цэхах прадпрыемства, а таксама на вуліцы ў месцах службовых праходаў ўстаноўлены новыя
свяцільні. Новыя гідраўлічныя дамкраты для рухомага складу ў памяшканні інструментальнага ўчастка дазволілі механізаваць працу рамонтнікаў. Набыццё рыштаванняў ПРА-600 палегчыла доступ работнікаў
дэпо да акумулятарных батарэяў дызель-цягнікоў ДП3 і іх абслугоўванне. Дарэчы, са з'яўленнем у дэпо яшчэ чатырох ДП3 значна палепшыліся ўмовы працы лакаматыўных брыгад. Акрамя
таго, на прадпрыемстве ўцяплілі фасад дома адпачынку лакаматыўных брыгад, увялі 1-ю чаргу рэканструкцыі дэпоўской кацельні.
У аглядзе-конкурсе па паляпшэнню ўмоў працы на рабочых месцах і прывядзенню іх у адпаведнасць з патрабаваннямі
гігіенічных нарматываў у тройку лідэраў трапілі лакаматыўнае дэпо Орша імя К. С. Заслонава, лакаматыўнае дэпо Маладзечна, Мінскае вагоннае дэпо. У цэлым жа, у 2016 годзе
на прадпрыемствах аддзялення для 133 чалавек арганізавана 68 працоўных месцаў, прыведзеных у адпаведнасць з патрабаваннямі гігіенічных нарматываў.
На працягу года палепшаны ўмовы на 671-м працоўным месцы, дзе працуе 1016 чалавек. Ўкаранёна 10 рацыяналізатарскіх прапаноў, якія дазволілі значна палегчыць працу і аптымізаваць
ўмовы працы.
Вольга НІКАЛАЕВА
