Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Мінскае аддзяленне Беларускай чыгункі

Экскурсія ў г. Гродна выхаванцаў Дзiцячай чыгункi iм. К.С.Заслонава

18 мая

16 мая 2018 года па выніках навучальнага года і цягніковай практыкі лепшыя выхаванцы Дзiцячай чыгункi iм. К.С.Заслонава  былі заахвочаны Мінскім аддзяленнем экскурсійнай паездкай у горад Гродна.
 
Мэта паездкі - ўсебаковае вывучэнне гісторыі і прыроды роднага краю.
 
Гродна - адзін з найстарэйшых гарадоў на тэрыторыі сучаснай Беларусі і з'яўляецца горадам-музеем, бо ў яго няпростая і вельмі цікавая гісторыя. Менавіта горад Гродна стаў першым беларускім горадам, праз які прайшла чыгунка.
 
Рабяты спадарожнiчалi  па старых вулачках горада, наведалі помнік архітэктуры ХVIII стагоддзя - Новы замак, дзе размешчана багатая экспазіцыя Гродзенскага гісторыка-археалагічнага музея, якая налічвае каля 7000 прадметаў.
 
Яшчэ адна славутасць горада - пажарная каланча - сімвал бяспекі горада, пабудаваны ў выглядзе шасціпавярховага будынка. Уваход у будынак вянчае своеасаблівая фрэска з людзьмі ў форме МНС. Рабят ўразіла незвычайная дэталь фрэскі - мастак выявіў на ёй Мону Лізу ў форме. Дзякуючы адкрыццю музея захавалася і яшчэ адна цікавая традыцыя. Кожны дзень роўна ў 12 гадзін апоўдні з вежы чуецца гук трубы, які апавяшчае жыхароў і гасцей Гродна, што ў горадзе ўсё спакойна.
Пабывалі юныя чыгуначнікі і ў царкве святых Барыса і Глеба. Гэта адзіны захаваны ў г. Гродна храм XII стагоддзя.
 
А на вежы кафедральнага касцёла Св. Францыска Ксаверыя размешчаны старажытны гадзіннік з механізмам канца XV стагоддзя. На сённяшні дзень гэтая славутасць з'яўляецца адзінай у Еўропе і знаходзіцца ў Гродне. Рабят ўразіла пышнасць сабора, у строі якога шырока выкарыстаны сродкі архітэктурнай пластыкі, скульптура і жывапіс.
Кульмінацыяй экскурсіі для дзяцей стаў першы, найбуйнейшы па калекцыі заапарк у Беларусі.
Да спісу навін за 2018 год