.png)
Месячнік працягваецца, навядзем парадак разам!
16 красавіка 2019
На мінулым тыдні прадоўжыліся работы па добраўпарадкаванні і навядзенні парадку на зямлі. Задача засталася ранейшай - навесці парадак.
Работы праводзіліся па ачыстцы паласы адводу станцый Мінск-Паўночны, Мінск-Усходні, п.п. Інстытут Культуры. Вялікі фронт работ трэба будзе выканаць на станцыі Мінск-Паўднёвы па абнаўленні афарбоўкі агароджы станцыі.
У суботу 13 красавіка працоўны дэсант апарата кіравання аддзялення чыгункі прыводзіў у парадак пасля зімы тэрыторыю Дзіцячай чыгункі - прыбіралі смецце, леташнюю лістоту, галінкі.
Работнікі лакаматыўнага і вагоннага дэпо, станцый Мінск-Пасажырскі і Мінск-Сартавальны, Культурна-спартыўнага цэнтра працягнулі работы па добраўпарадкаванні і азеляненні замацаванай тэрыторыі Кастрычніцкага раёна г. Мінска.
Вясновая працоўная акцыя працягнецца да канца месяца.
Да спісу навін за 2019 год
