На святочна ўпрыгожанай станцыі Сасновы бор юныя таленты дзіцячай магістралі малявалі каляровымі крэйдамі. Платформа зазіхацела цудоўнымі і дзіўнымі кампазіцыямі, кожная з якіх сімвалізавала II Еўрапейскія гульні. Гэта і талісман гульняў Лісяня Лесік, і лагатып гульняў папараць-кветка, а таксама спартыўныя піктаграмы. Але галоўным шэдэўрам конкурсу стала кампазіцыя «Лісяня Лесік ў цягніку», якой высокую адзнаку далі нават пасажыры, якія прыбылі ў Сасновы бор на цягніку дзіцячай дарогі.
Беларусь памятае.
Напярэдадні святкавання 75-годдзя вызвалення Беларусі ад нямецка-фашысцкіх захопнікаў юныя чыгуначнікі Дзіцячай чыгункі ім. К. С. Заслонава наведалі Дзяржаўны музей ваеннай гісторыі. Дзеці пазнаёміліся з багатай экспазіцыяй музея, якая адлюстроўвае гісторыю узброеных сіл нашай краіны, пачынаючы з VI стагоддзя да нашых дзён. Асаблівая ўвага была ўдзелена экспазіцыям, прысвечаным Вялікай Айчыннай вайне. Выхаванцы малой Беларускай з цікавасцю разглядалі прылады, мадэлі ваеннай тэхнікі, ўзнагароды.
Юныя чыгуначнікі прынялі ўдзел ва ўрачыстым адкрыцці стэнда з інфармацыяй пра генерал-маёра Маркіана Пагрэбняка, пра якога прысутным расказала яго дачка. Затаіўшы дыханне, юныя чыгуначнікі слухалі аповяд пра легендарнага чалавека, савецкага военачальніка, героя вайны. Маркіан Пятровіч — кавалер васьмі ордэнаў Леніна, пяці ордэнаў Чырвонага Сцяга, ордэна Суворава 3-й ступені і ордэна Кутузава 2-й ступені, а таксама шматлікіх медалёў, уключаючы, «За перамогу над Германіяй у Вялікай Айчыннай вайне 1941-1945 гг.» і «За ўзяцце Кёнігсберга».
Юныя чыгуначнікі падзякавалі дырэктара музея Азаронка Сяргея Іванавіча за цікавую, займальную экскурсію і за унікальную магчымасць далучыцца да гераічнага мінулага нашага народа.
Быць нашчадкамі Вялікай Перамогі для маладога покалення- гэта высокі гонар.
Экскурсія на Мінскі вагонарамонтны завод.
У мэтах прафесійнай арыентацыі выхаванцы Дзіцячай чыгункі наведалі Мінскі вагонарамонтны завод ім. А. Ф. Мяснікова. Юных чыгуначнікаў азнаёмілі з асноўнымі напрамкамі дзейнасці аднаго з найстарэйшых прадпрыемстваў на Беларускай чыгунцы. З вялікай цікавасцю дзеці слухалі аповяд пра гісторыю стварэння завода і пра тое, як вырабляўся рамонт рухомага саставу ў той час. У ходзе экскурсіі юных чыгуначнікаў правялі па цэхах завода. Хлопчыкі і дзяўчынкі ўбачылі, як праводзіцца рамонт вагонаў і якімі яны становяцца пасля капітальна-аднаўленчага рамонту: мадэрнізаванымі, надзейнымі і камфартабельнымі. Падчас кожнага наведвання юныя чыгуначнікі заўсёды пазнаюць цікавую інфармацыю аб інавацыях і новых тэхналогіях у чыгуначнай галіне. На гэты раз дзецям паказалі новый сучасны салон плацкартнага вагона, мадэрнізаванага на заводе па заказу чыгункі Рэспублікі Казахстан. Нароўні з сучаснасцю захоплівае дух пры выглядзе чыгуначных рарытэтаў. З вялікай цікавасцю разглядалі юныя чыгуначнікі рэтра-вагон, які выпускаўся ў Германскай Дэмакратычнай Рэспубліцы заводам Аммендорф і савецкі паштовы вагон, якія размешчаны на тэрыторыі завода.
У ногу са спортам вышэйшага класа.
Сярод трывала ўсталяваных традыцый на Дзіцячай чыгунцы ёсць спартыўная - гэта футбол. У дні правядзення II Еўрапейскіх гульняў на малой магістралі адбыўся футбольны турнір сярод змен юных чыгуначнікаў. З 26 па 28 чэрвеня, захопленыя самым папулярным у нашай краіне відам спорту, хлопчыкі змагаліся за прызавы кубак футбольнага турніру. Усе каманды гулялі дастойна, дэманструючы свае спартыўныя навыкі і ўменні. На футбольным полі панаваў здаровы спартыўны азарт, заўзятары актыўна падтрымлівалі свае каманды. Па выніках турніру пераможцам стала каманда змены № 4 (інструктар Марутка Святлана Уладзіміраўна).