.png)
Мы памятаем. Памятаем кожнага.
05 ліпеня 2019
3 ліпеня нашая краіна адзначыла Дзень Незалежнасці і 75-годдзе вызвалення Беларусі ад нямецка-фашысцкіх захопнікаў. У гэты дзень ўспаміналі тых, хто не вярнуўся з той страшнай вайны і ветэранаў, якія, рызыкуючы сваім жыццём, заваявалі перамогу, каб мы сёння маглі шчасліва жыць.
На Мінскім аддзяленні 28 ветэранаў Вялікай Айчыннай вайны. З кожным з іх праводзіцца работа па аказанні шэфскай і матэрыяльнай дапамогі, ўшанаванні са святочнымі і памятнымі датамі.
Напярэдадні свята ветэранаў наведалі прадстаўнікі арганізацый, у якіх яны працавалі. Кожнаму ветэрану было ўручана Падзячнае пісьмо, падпісанае Начальнікам Беларускай чыгункі, кветкі і падарункавыя наборы, аказана аднаразовая матэрыяльная дапамога.
Ветэраны, якія размянялі ўжо дзявяты дзясятак гадоў, не хавалі свайго хвалявання і слёз, бо ў кожнага з іх быў складаны жыццёвы шлях. Для іх самы каштоўны падарунак - гэта ўвага, клопат, памяць і зносіны.
