Лепшы малады спецыяліст года
09 верасня 2019
05 верасня 2019 г. у Мінскай гарадской ратушы адбылося ўшанаванне пераможцаў конкурсу "Лепшы малады спецыяліст года". Конкурс праводзіцца ў сталіцы сёмы год запар. Арганізатарамі з'яўляюцца Мінскі гарадскі савет дэпутатаў і адміністрацыі раёнаў сталіцы.
Асноўная мэта конкурсу – выяўленне таленавітых, крэатыўных маладых людзей. Сёлета ў раённым этапе прынялі ўдзел больш за 400 чалавек, у гарадскім – звыш 50. Конкурс праводзіцца ў 10 намінацыях.
У намінацыі «Лепшы малады спецыяліст прадпрыемства транспарту і сувязі» ўдзельнічала наша калега – Вараб'ёва Варвара Юр'еўна, інжынер станцыі Мінск-Пасажырскі, і заняла першае месца.
Узнагароды пераможцам уручалі старшыня Мінгарсавета Васіль Панасюк і дэпутаты.
Ганарымся і віншуем Варвару Юр'еўну!
Да спісу навін за 2019 год