На аддзяленні чыгункі прайшоў конкурс сярод работнікаў лакаматыўных дэпо "Машыністы нашай магістралі-2019"
24 верасня 2019
19 верасня 2019 г. на базе Культурна-спартыўнага цэнтра прайшоў конкурс сярод работнікаў лакаматыўных дэпо «Машыністы нашай магістралі-2019». У конкурсе прынялі ўдзел лакаматыўныя брыгады (машыніст і памочнік машыніста) лакаматыўных дэпо Мінск, Маладзечна, Орша і маторвагоннага дэпо Мінск.
Конкурс праводзіўся ў 4 этапы:
прэзентацыя "Фотаальбом", дзе ўдзельнікі распавядалі аб сваёй працы, гісторыі дэпо, сям'і, удзеле ў вытворчым, грамадскім, культурна-спартыўным жыцці прадпрыемства;
«Прафесійны» - тэст з прафесійнымі заданнямі;
«Мы – вясёлыя рабяты» – канцэртны нумар;
«Гістарычны экскурс па Беларускай чыгунцы» - відэа-тэст з гісторыі развіцця Беларускай чыгункі.
Удзельнікі конкурсу падрыхтавалі цікавыя і маляўнічыя нумары сваіх выступленняў, паказалі свае прафесійныя веды.
Па выніках конкурсных этапаў найбольшую колькасць балаў набрала лакаматыўная брыгада маторвагоннага дэпо Мінск і ім прадастаўлена ганаровае права прадставіць аддзяленне чыгункі на дарожным конкурсе лакаматыўных брыгад.
Жадаем нашым калегам перамогі ў дарожным конкурсе!Да спісу навін за 2019 год