31 сакавіка 2020

Для каардынацыі прафілактычных мерапрыемстваў, накіраваных на недапушчэнне распаўсюджвання вострых рэспіраторных інфекцый на аб'ектах Мінскага аддзялення чыгункі (рухомым саставе, вакзалах і іншых месцах масавага знаходжання людзей), загадам ад 13.03.2020 №226П створаны штаб, які ўзначальвае першы намеснік начальніка аддзялення чыгункі Шаўчэнка В. Ф.

На аддзяленні чыгункі рэалізуецца План правядзення прафілактычных мерапрыемстваў па папярэджанні інфекцыі, выкліканай каранавірусам. Павялічана кратнасць вільготнай уборкі з выкарыстаннем сродкаў дэзінфекцыі на вакзалах, устаноўлены дазатары з антысептыкамі ў абедзенных залах вытворчых сталовых, Культурна-спартыўным цэнтры, аздараўленчым цэнтры «Талька», на вакзалах і станцыях аддзялення чыгункі. Кантралюецца праца сістэм вентыляцыі і кандыцыянавання, размешчана інфармацыя аб сімптомах і мерах прафілактыкі інфекцый.

На сталічным вакзале сумесна з дарожнай арганізацыяй Беларускага таварыства Чырвонага Крыжа, актывістамі ГА "БРСМ" праведзена акцыя па распаўсюджванні антысептычных сродкаў сярод работнікаў.

На аддзяленні дарогі абмежавана правядзенне масавых мерапрыемстваў. Для правядзення нарад максімальна выкарыстоўваюцца інтэрнэт-рэсурсы.

На пасяджэннях штаба штотыдзень разглядаецца аператыўная абстаноўка з вострымі рэспіраторнымі інфекцыямі і эфектыўнасць ажыццяўлення мерапрыемстваў па недапушчэнні іх распаўсюду.