28 жніўня 2020

Лакаматыўнае дэпо Орша імя К.С.Заслонава адно з найбуйнейшых на Беларускай чыгунцы. Дэпо з'яўляецца асноўнай рамонтнай базай магістралі для пасажырскіх цеплавозаў серыі ТЭП70. Сіламі лакаматыўнага дэпо Орша на Мінскім аддзяленні чыгункі ажыццяўляецца больш за палову ўсяго аб'ёму перавозачнай працы і каля 20% усёй працы чыгункі.

Рамонтныя цэхі дэпо, капітальнага і бягучага рамонту, тэхнічнага абслугоўвання цеплавозаў забяспечваюць якаснае выкананне планавых відаў тэхнічнага абслугоўвання і рамонту цеплавозаў ТЭП70 ў аб'ёме ТО-2, ТО-3, ТР-1, ТР-2, ТР-3, КР-1, КР-2, а таксама цеплавозаў М62, ЧМЭ3 ў аб'ёме ТО-2, ТО-3, ТР-1. Усяго за год дэпо выконвае ад 10 да 14 капітальных рамонтаў, да 170 бягучых рамонтаў, а таксама каля 600 тэхнічных абслугоўванняў па цыкле ТО-3.

У мэтах развіцця рамонтнага патэнцыялу Беларускай чыгункі і павышэння якасці рамонтных работ у дэпо праводзіцца рэканструкцыя –узводзіцца аб'ект "Орша. База Заводскага рамонту цеплавозаў ТЭП-70". За мінулыя гады ў дэпо ўзведзены новыя рамонтныя цэхі, абсталяваныя сучасным, высокатэхналагічным абсталяваннем. Пад кіраўніцтвам намесніка начальніка дэпо па рамонце Дэрваеда Дзяніса Анатольевіча рамонтны персанал дэпо павышае якасць і ўдасканальвае тэхналогію рамонту рухомага саставу.

Для паляпшэння санітарных умоў працы, удасканалення ўнутранай лагістыкі ў лакаматыўным дэпо Орша імя К. С. Заслонава рэалізуецца 2-я чарга будаўніцтва аб'екта "Орша. База завадскога рамонту цеплавозаў
ТЭП-70", у рамках якога ў дэпо ўзводзіцца бытавы корпус.

Канструктыўна бытавой корпус будзе ўяўляць сабой цагляны, аднапавярховы будынак агульнай плошчай 1492,2 м².

Будаўніцтва гэтага корпуса рамонтны персанал дэпо чакае з асаблівай радасцю. Яго будаўніцтва дазволіць палепшыць санітарныя ўмовы работнікаў, якія атрымаюць новыя гардэробныя шафкі, пашыраныя душавыя памяшканні, шафы для размяшчэння і сушкі спецадзення з улікам забруджанасці. Будзе забяспечана падзел гардэробных памяшканняў рамонтнага і эксплуатацыйнага персаналу, што павысіць працоўную дысцыпліну і культуру працы персаналу.