.png)
Знаёмства з абранай прафесіяй
03 верасня 2020
Існуе вялікае мноства разнастайных прафесій. У жыцці кожнага чалавека быў выбар: кім ён хоча стаць. Рабяты першага курса УА "Мінскі дзяржаўны прафесійна-тэхнічны каледж чыгуначнага транспарту імя Я. П. Юшкевіча" свой выбар зрабілі.
Знаёмства вучняў з абранай прафесіяй адбылося 01 верасня ў Дзень ведаў у маторвагонным дэпо Мінск.
У актавай зале дэпо з выкарыстаннем відэа-прэзентацый навучэнцам быў праведзены мэтавы інструктаж па ахове працы, праведзены прафілактычныя гутаркі на тэму "Дзеці і бяспека на чыгуначным транспарце".
Падчас сустрэчы навучэнцы змаглі азнаёміцца з гісторыяй стварэння і развіцця маторвагоннага дэпо Мінск, умовамі і спецыфікай працы, з вытворчай базай дэпо, паназіраць за цягам вытворчага працэсу, убачыць рухомы састаў, які выкарыстоўваецца для перавозкі пасажыраў, пагутарыць са старэйшымі калегамі.
Такія заняткі з'яўляюцца дзейснай формай адаптацыі і падрыхтоўкі будучых спецыялістаў.
