10 сакавіка 2021

Напярэдадні міжнароднага жаночага дня 8 сакавіка юныя чыгуначнікі здзейснілі займальнае  падарожжа ў свет прыгожага. Рабяты  наведалі народную студыю дэкаратыўна-прыкладнога мастацтва Мінскага Культурна-спартыўнага цэнтра чыгуначнікаў.

Кіраўнік студыі, мадэльер-канструктар Жыткевіч Валянціна Іванаўна распавяла дзецям пра стварэнне студыі і аб захапленні пэчворкам - тэхнікай шыцця са шматкоў тканіны.

З 1982 года Валянціна Іванаўна нязменны кіраўнік студыі і згуртавала вакол сябе калектыў таленавітых і захопленых людзей самага рознага ўзросту і самых розных прафесій. Для большасці з іх заняткі ў студыі дэкаратыўна-прыкладнога мастацтва сталі неад'емнай часцінкай жыцця, бо пэчворк - гэта захапленне для душы. Асноўныя віды работ студыі - гэта традыцыйныя ласкутныя коўдры, ласкутныя пано і карціны, розныя сувеніры, ёлачныя цацкі, лялькі, а таксама мадэлі адзення.

Юным чыгуначнікам цікава было даведацца, што ласкутнае шыццё і цяпер самы папулярны від творчасці ў многіх краінах: Германіі, Англіі, Амерыцы, Расіі, Беларусі. Былі часы, калі французскія мадэльеры прыязджалі да беларускіх майстроў, перанімалі нашу моду ў музеях і на выставах - настолькі таленавіты беларускі народ. Вось чаму ўдзельнікі студыі лічаць, што неабходна берагчы і захоўваць сваю нацыянальную спадчыну. Яны распрацоўваюць і мадэлююць касцюмы, у элементах якіх выкарыстаны традыцыі славянскай і беларускай культуры.

Наведванне студыі працягнулася расповедам Валянціны Іванаўны пра гісторыю ласкутнага шыцця. Рукадзелле здаўна лічылася візітнай карткай кожнага краю, кожнага народа. Жанчыны стараліся ўпрыгожыць дом сваімі рукамі. Гэта надавала жыллю  яркую індывідуальнасць і непасрэднасць. Калі дзяўчына выходзіла замуж, то вельмі важна было, ці ёсць у яе пасагу вышытыя сваімі рукамі рэчы. Дарэчы, хлапчукам было прыемна даведацца, што рамяством вышывання на стадыі фарміравання гэтага мастацтва адразу займаліся мужчыны.

Валянціна Іванаўна прадэманстравала вялікую калекцыю работ, выкананых у рознай тэхніцы рукадзелля. Кожная кампазіцыя выклікала ў рабят захапленне,  настолькі ўсё было арыгінальна і непаўторна.

Рукадзелле - гэта зносіны, творчасць, індывідуальнасць, магчымасць самавыяўлення - дзе сама тканіна дыктуе фантазію, развівае мастацкі густ. У гэтым рабяты  пераканаліся, калі пад кіраўніцтвам Валянціны Іванаўны сваімі рукамі сшылі ігольніцы ў падарунак сваім мамам.

Юныя чыгуначнікі павіншавалі Валянціну Іванаўну са святам Вясны, пажадалі ёй моцнага здароўя і творчага натхнення, а студыі далейшага росквіту. Рабяты  адзначылі, што нібы пабывалі ў іншым свеце і атрымалі масу станоўчых эмоцый. Гасцінная гаспадыня падарыла юным чыгуначнікам вельмі прыгожую кампазіцыю – ласкутнае пано.

На развітанне Валянціна Іванаўна сказала рабятам: «Што б вы не рабілі - заўсёды рабіце з любоўю і тады ўсё будзе дзіўна і незвычайна прыгожа». А прыгажосць, як вядома, выратуе свет. Да спісу навін за 2021 год