Акцыя «Дзеці і бяспека»
06 красавіка 2021
У перыяд з 16 па 29 сакавіка на Мінскім аддзяленні чыгункі праводзілася акцыя «Дзеці і бяспека». Работнікамі аддзялення сумесна з супрацоўнікамі органаў унутраных спраў былі арганізаваны рэйды, падчас якіх надавалася асаблівая ўвага дзецям і падлеткам, якія знаходзяцца без нагляду дарослых паблізу чыгуначных шляхоў, на вакзалах, станцыях і ў цягніках. На вакзалах і ў цягніках грамадзян інфармавалі аб мерах бяспекі пры знаходжанні на аб'ектах чыгуначнага транспарту, а таксама праведзена тлумачальна-прафілактычная работа ў працоўных калектывах прадпрыемстваў і ва ўстановах адукацыі.
З непаўналетнімі, якія знаходзіліся на чыгуначных шляхах ў слухаўках і размаўлялі па мабільных тэлефонах, праведзены прафілактычныя гутаркі.
Удзельнікі акцыі правялі выступы ў працоўных калектывах па пытаннях выканання правілаў бяспекі на чыгуначным транспарце. Распаўсюджана больш за 550 прафілактычных памятак і 490 буклетаў «Правілы бяспечных паводзін на чыгунцы». Адбыліся сустрэчы ў 210 установах адукацыі, тлумачальна-прафілактычныя гутаркі праведзены для 16973 навучэнцаў.
Асноўнай прычынай няшчасных выпадкаў па-ранейшаму застаецца ігнараванне людзьмі элементарных мер бяспекі. У мэтах прафілактыкі траўміравання непаўналетніх і недапушчэння транспартных правапарушэнняў чыгуначнікі рэгулярна праводзяць тэматычныя акцыі і рэйды на аб'ектах чыгуначнага транспарту.
Да спісу навін за 2021 год