Работнікі Аршанскай дыстанцыі электразабеспячэння атрымалі перамогу ў конкурсе «Надзейны патэнцыял нашай магістралі» Мінскага аддзялення Беларускай чыгункі
12 красавіка 2021
У мэтах захавання і прымнажэння лепшых традыцый у працоўных калектывах і перадачы вопыту работы ад настаўнікаў да моладзі, фарміравання ў свядомасці маладога пакалення карпаратыўнай культуры 6 красавіка ў Культурна-спартыўным цэнтры УП «Мінскае аддзяленне Беларускай чыгункі» адбыўся конкурс «Надзейны патэнцыял нашай магістралі» сярод работнікаў структурных падраздзяленняў аддзялення чыгункі. Конкурс прымеркаваны да Года народнага адзінства і праходзіў у фармаце выступу ў пары настаўніка і маладога спецыяліста.
У конкурсе прынялі ўдзел прадстаўнікі 7 структурных падраздзяленняў аддзялення: Мінскі вагонны ўчастак, Мінскае вагоннае дэпо, станцыя Мінск-Сартавальны, Мінская дыстанцыя сігналізацыі і сувязі, Аршанская дыстанцыя электразабеспячэння, Аршанская дыстанцыя грамадзянскіх збудаванняў і лакаматыўнае дэпо Орша.
Конкурс праводзіўся ў 4 этапы:
«Даты і людзі»
«Нам песня будаваць і жыць дапамагае»
«Любімае кіно»
«Прафесіяналы сваёй справы».
Па выніках конкурсу 1 месца занялі Павел Шупеня і Сяргей Сівагракаў з Аршанскай дыстанцыі электразабеспячэння, 2 месца прысуджана Таццяне Шаблоўскай і Алене Якушенка з Мінскага вагоннага ўчастка, 3 месца ў Сяргея Яўсеенкі і Паўла Лясуна са станцыі Мінск-Сартавальны.
Пераможцам конкурсу Паўлу Шупені і Сяргею Сівагракаву прадастаўляецца ганаровае права прадстаўляць Мінскае аддзяленне Беларускай чыгункі на дарожным конкурсе «Надзейны патэнцыял нашай магістралі».
Да спісу навін за 2021 год