.png)
Вясновыя клопаты
21 красавіка 2021
Юныя чыгуначнікі Дзіцячай чыгункі ім.К.С.Заслонава сумесна з галіновым камітэтам ГА «БРСМ» Беларускай чыгункі 16.04.2021 года прынялі ўдзел у рэспубліканскім суботніку на гісторыка-культурным комплексе "Лінія Сталіна".
Задача працоўнага дэсанта для рабят, як і пакладзена на ваенным аб'екце, была пастаўлена дакладна і ясна - навесці парадак у памяшканні ангара, дзе размешчаны розныя ўзоры баявой тэхнікі.
Пасля выканання пастаўленай задачы юным чыгуначнікам прадставілася ўнікальная магчымасць азнаёміцца з аб'ектамі гісторыка-культурнага комплексу «Лінія Сталіна». Асаблівую цікавасць у рабят выклікала экспазіцыя чыгуначнай тэхнікі ваенных гадоў, прысвечаная ратнаму подзвігу воінаў-чыгуначнікаў, цэнтральным аб'ектам якой з'яўляецца бронецягнік часоў Вялікай Айчыннай вайны.
На наступны дзень, 17.04.2021 года, калектыў Дзіцячай чыгункі, юныя чыгуначнікі і работнікі Мінскага аддзялення чыгункі выйшлі на ўборку тэрыторыі і чыгуначнага палатна дзіцячай магістралі. Дакладная арганізацыя працоўнага працэсу і цёплае вясновае надвор'е спрыялі добраму настрою і працоўнаму энтузіязму. Усе працавалі адной дружнай суладнай камандай, каб Дзіцячая чыгунка была гатовая да пачатку летняга сезону руху цягнікоў.
