.png)
Фотазона «Вясна» на станцыі Мінск-Пасажырскі
27 красавіка 2021
Вясновая пара - час новых планаў і надзей. Гэтыя тры месяцы створаны для натхнення, закаханасці і выдатнага настрою. Вось і на станцыю Мінск-Пасажырскі прыйшла вясна…
Для гасцей і жыхароў горада на трэцім паверсе чыгуначнага вакзала станцыі Мінск-Пасажырскі ўсталявана новая фотазона. На гэты раз у адной яркай кампазіцыі злучылася ўся палітра вясновых фарбаў, якая вельмі арганічна ўпісалася ў фае трэцяга паверха.
Фотазона атрымалася па-вясноваму маляўнічая і натхняльная. Ва ўсім адчуваецца магія ажыўшай прыроды з відавочным лірычным адценнем. Сімвалічныя для вясны ландышы і цюльпаны сталі новымі "вясновымі" маршрутамі для падарожжаў: "Мінск-Цюльпанава», "Ландышава-Мінск".
