25 мая 2021

У мэтах патрыятычнага, духоўна-маральнага выхавання юных чыгуначнікаў, Мінскім аддзяленнем чыгункі 20 мая 2021 года была арганізавана паездка ў нацыянальны гісторыка-культурны музей-запаведнік Нясвіж і ў Мірскі замак.

На працягу ўсёй паездкі рабят суправаджала экскурсавод ад турыстычнага цэнтра «Дартур» Маргарыта Малочнiкава, якая распавядала дзецям гісторыю горада Мінска, Мінскага чыгуначнага вакзала і населеных пунктаў па шляху руху.

Мірскі замак паўстаў у вачах рабят сапраўднай крэпасцю з пяццю вежамі, злучанымі паміж сабой тоўстымі сценамі. Яркае і архітэктурнае аблічча, каларытны ўнутраны двор пакінулі незабыўныя ўражанні. Рабяты агледзелі музейную экспазіцыю ў паўночным корпусе замка.

Дакрануўшыся рукамі да прыгоннай сцяны, можна было адчуць, як цябе захоплівае часовай партал і перамяшчае ў далёкае мінулае і пад уражаннем гістарычнай атмасферы тых гадоў для рабят быў праведзены займальны квэст па лабірынтах сярэднявечнага замка.

Далей згодна экскурсійнай праграме юныя чыгуначнікі адправіліся ў галоўную рэзідэнцыю знакамітага роду Радзівілаў - Нясвіжскі замак, які размешчаны на ўзгорку ў асяроддзі маляўнічых азёраў. Хлопцы агледзелі і ацанілі рэдкія ўзоры сярэднявечных даспехаў, элементы ўзбраення шляхціцаў і найкаштоўнейшую калекцыю халоднай зброі, гарматы розных эпох.

Юныя чыгуначнікі прагуляліся па гістарычных парках і агледзелі багатае ўбранне гасціных і ўнутраных залаў замка.

Мірскі і Нясвіжскі замкі паказалі і распавялі дзецям найбагатую гісторыю нашай Радзімы. Гэта унікальныя і гістарычныя святыні Беларусі, уключаныя ў Спіс Сусветнай спадчыны ЮНЕСКА.

Ўсю паездку суправаджала выдатная, сонечнае надвор'е і з выдатным настроем у рабят скончылася гэтая цікавая і займальная экскурсія.