.png)
Безбілетны праезд - адміністрацыйнае правапарушэнне
09 ліпеня 2021
Кантралёрамі-рэвізорамі пасажырскіх цягнікоў УП «Мінскае аддзяленне Беларускай чыгункі» за 1 паўгоддзе 2021 года ажыццёўлены кантроль у 15600 цягніках, што на 2205 цягнікоў больш, чым за аналагічны перыяд 2020 года. Асноўная ўвага надавалася цягнікам гарадскіх ліній і рэгіянальных ліній эканамкласа, на долю якіх прыйшлося 98,0% ад агульнай колькасці цягнікоў, у якіх ажыццяўляўся кантроль.
Па выніках кантролю за 1 паўгоддзе 2021 года 2575 грамадзян прыцягнуты да адміністрацыйнай адказнасці за безбілетны праезд у цягніках, з іх 1438 грамадзян заплацілі штраф на месцы.
У выніку кантролю ў цягніках спагнана 62359,13 рублёў штрафу і тарыфу.
УП «Мінскае аддзяленне Беларускай чыгункі» заклікае пасажыраў адказна ставіцца да карыстання паслугамі чыгуначнага транспарту і своечасова аплачваць праезд.
Інфармуем, што ў цяперашні час штраф за безбілетны праезд у цягніках гарадскіх ліній складае ад 0,5 да 1 базавай велічыні, штраф за безбілетны праезд у цягніках рэгіянальных ліній - 0,7 базавай велічыні, у цягніках міжрэгіянальных і міжнародных ліній - 1 базавую велічыню. Да спісу навін за 2021 год
