Дабрачынная акцыя «Адзіная Міншчына - сэрца Беларусі»
22 снежня 2021
Што такое Новы Год і Каляды Хрыстова? Гэта чараўніцтва! Гэта казка, у якую вераць і дзеці, і дарослыя. Мы хочам, каб адбыўся цуд! Мы загадваем жаданне і чакаем, што яно абавязкова збудзецца. Асабліва гэтае свята чакаюць дзеці, якія мараць аб здароўі і дружнай сям'і.
У рамках дабрачыннай акцыі «Адзіная Міншчына - сэрца Беларусі» ў Мінскай вобласці 22 снежня стартаваў аўтапрабег з наведваннем сацыяльных устаноў у Маладзечне, Вілейцы, Гарадзеі, Капылі, Слуцку, Чэрвені, Валожыне і Рудзенску.
Прадстаўнікі Мінскага аддзялення чыгункі і Аб'яднанай раённай прафсаюзнай арганізацыі ў рамках абласной дабрачыннай акцыі 22 снежня наведалі з падарункамі выхаванцаў Маладзечанскай і Вілейскай спецыяльных агульнаадукацыйных школ-інтэрнатаў. Дзед Мароз, Снягурачка і шмат казачных персанажаў павіншавалі ўсіх дзяцей і педагагічны калектыў з навагоднімі святамі і пажадалі шчасця, здароўя, здзяйснення жаданняў! Ад арганізацый-удзельнікаў аўтапрабегу дзецям і дамам-інтэрнатам падораны: бытавая тэхніка, спартыўны інвентар, канцылярскія прыналежнасці, цацкі, садавіна і салодкія падарункі.
Да спісу навін за 2021 год