.png)
Дзеяць дабро так проста
04 студзеня 2022
Дабрачынная навагодняя акцыя «Нашы дзеці» аб'ядноўвае мноства неабыякавых людзей, гатовых дапамагчы дзецям, праявіць клопат і ўвагу.
31 снежня прадстаўнікі Мінскага вагоннага ўчастка наведалі Дзіцячую вёску «Вытокі». Брыгада фірменнага поезда нумар 2/1 Мінск - Масква «Беларусь» падрыхтавала віншавальную праграму. Начальнік цягніка Уладзімір Базылёў стаў Дзедам Марозам. Дзецям падарылі салодкія падарункі і настольныя гульні. На рахунак установы пералічылі грашовыя сродкі.
Намеснік начальніка Мінскага вагоннага ўчастка Алена Шандаровіч:
- Нас так цёпла сустрэлі. А мы са свайго боку таксама вельмі пастараліся. Снягурачка і Дзед Мароз былі проста захапляльныя. Мы ўсе разам павіншавалі адно аднаго з Новым годам. Мяркую, што ў 2022 годзе мы зноў сюды прыедзем!
