06 студзеня 2022

У снежні 2021 года былі падведзены вынікі конкурсу маладзёжных ініцыятыў сярод работнікаў Беларускай чыгункі.

Усяго ў конкурсе ўдзельнічалі 53 работнікі Беларускай чыгункі. Камісія вызначыла 24 работы, якія прэтэндуюць на прызавыя месцы, з якіх 9 работ Мінскага аддзялення чыгункі сталі пераможцамі конкурсу.

У намінацыі "Маладзёжная ініцыятыва, накіраваная на павышэнне бяспекі руху цягнікоў" 3-га месца ўдастоена конкурсная работа "Прымяненне тэхналогій CAD-мадэлявання для дэпо" майстра лакаматыўнага дэпо Мінск Уладзіслава Стальмакова.

У намінацыі "Маладзёжная ініцыятыва, накіраваная на павышэнне прадукцыйнасці працы і рацыянальнае выкарыстанне працоўных рэсурсаў" 1 месца заняла ініцыятыва "Накладанне кабельных трас дыстанцыі на агульнадаступныя" інжынера Мінскай дыстанцыі сігналізацыі і сувязі Вольгі Капранавай, 3 месца прысудзілі конкурснай рабоце "Выкарыстанне беспілотных лятальных апаратаў для зверкі саставаў і дастаўкі дакументаў, папярэджанняў і дазволаў на адпраўленне цягнікоў" інжынера-тэхнолага станцыі Маладзечна Рамана Гамбіцкага.

У намінацыі "Маладзёжная ініцыятыва, накіраваная на забеспячэнне аховы навакольнага асяроддзя" 2 месца атрымала ініцыятыва "Устаноўка АВР на секцыі шын РУ 0,4 кВ у ТП 194 на станцыі Талька" старэйшых электрамеханікаў Мінскай дыстанцыі электразабеспячэння Паўла Карачуна і Івана Сцерлікава, 3 месца - ідэя "Пераабсталяванне аўтамабіля з ДВС на электраматор" інжынера Мінскай дыстанцыі сігналізацыі і сувязі Таццяны Емяльянавай.

У намінацыі "Маладзёжная ініцыятыва, накіраваная на паляпшэнне ўмоў і аховы працы на вытворчасці" 3 месца прысуджана рабоце "Метад ачысткі ад снегу дахаў вагонаў перад падачай у рамонтныя цэхі" інжынера-тэхнолага рэфрыжэратарнага вагоннага дэпо Маладзечна Яўгена Кайдана.

У намінацыі "Маладзёжная ініцыятыва, накіраваная на аўтаматызацыю і механізацыю вытворчых працэсаў" 1 месца заняла ініцыятыва "Аўтаматызаваны разлік замацавання саставаў цягнікоў" дзяжурнага па аддзяленню чыгункі цэнтра кіравання мясцовай работай аддзела перавозак Арцёма Сліжова.

У намінацыі "Маладзёжная ініцыятыва, накіраваная на лічбавую трансфармацыю вытворчых працэсаў" 1 месца заняла праца "Распрацоўка і ўкараненне аўтаматызаванай сістэмы вядзення актаў камісійных месячных аглядаў і кантролю за ўхіленнем няспраўнасцяў і аўтаматызаванай формы ДК-46 "Журнал агляду шляхоў, стрэлачных перакладаў, прылад сувязі і кантактнай сеткі" намесніка начальніка станцыі Мінск-Пасажырскі Аляксандра Кулішэвіча, 3 месца прысудзілі працы "Стварэнне інфармацыйнага навучальнага сайта для работнікаў УП "Мінскае аддзяленне Беларускай чыгункі" інжынера маторвагоннага дэпо Мінск Сяргея Галавача.

Пераможцам конкурсу будуць уручаны памятныя дыпломы і грашовыя ўзнагароджанні.

Кіраўніцтва аддзялення чыгункі ганарыцца сваімі спецыялістамі і сардэчна віншуе ўсіх пераможцаў і ўдзельнікаў конкурсу з дастойнымі вынікамі!