.png)
Віншаванне воіна-інтэрнацыяналіста
15 лютага 2022
15 лютага 1989 года савецкія войскі пакінулі тэрыторыю Афганістана. Дзевяць гадоў і пяцьдзесят адзін дзень працягваліся жорсткія бітвы ў чужым краі. З 1979 па 1989 гады на афганскай зямлі праходзілі службу каля 30 тысяч ураджэнцаў нашай краіны. 789 беларусаў не вярнуліся з той вайны, 12 чалавек прапалі без вестак.
У гэты дзень воіны-інтэрнацыяналісты прымаюць віншаванні і ўспамінаюць таварышаў, якія выканалі інтэрнацыянальны абавязак за межамі сваёй Радзімы. Намеснік начальніка па ідэалагічнай рабоце, кадрах і сацыяльных пытаннях станцыі Мінск-Сартавальны Таццяна Валер'еўна Дзянісава павіншавала і пажадала здароўя, дабрабыту і доўгіх гадоў жыцця прыёмшчыку цягнікоў Аляксандру Вітальевічу Тапеху.
