24 лютага 2022

1972 год - адкрыццё станцыі Шабаны

Станцыя была пабудавана ў мікрараёне Шабаны г.Мінска на месцы былой вёскі Шабаны. Праект будаўніцтва станцыі 14-га кіламетра распрацоўваў інстытут «Белчыгунпраект». Па абходным шляху Шабаны-Асееўка-Калядзічы-Памыслішча-Мінск-Таварны пусцілі цягнікі. У гэты час да станцыі 2-га класа былі далучаны толькі два шляхі прадпрыемстваў - база «Белметал» і база «Белбакалея».

14.02.1972 года Чэрапаў Уладзімір Якаўлевіч прызначаны начальнікам станцыі Шабаны.

Уладзімір Якаўлевіч скончыў Ленінградскі інстытут інжынераў чыгуначнага транспарта імя акадэміка В.М.Абразцова, цяпер Пецярбургскі дзяржаўны ўніверсітэт шляхоў зносін Імператара Аляксандра 1. Свой прафесійны шлях пачаў са станцыі Волхаўбуд Кастрычніцкай чыгункі.

Да гэтага часу за плячыма Уладзіміра Якаўлевіча быў ужо вялікі досвед працы на чыгуначным транспарце - дзяжурны па станцыі, дыспетчар, старшы памочнік начальніка станцыі, в.а.начальніка станцыі.

1973 год - развіццё прамысловай зоны

Са станцыі Мінск-Таварны на станцыю Шабаны масава накіроўваліся вагоны з будаўнічымі грузамі. Станцыя стала абслугоўваць буйнейшыя будаўнічыя заводы і прадпрыемствы, якія знаходзіліся ў прамысловай зоне: завод ККД-3, ААТ «Камплект», Упраўленне дарожна-маставога будаўніцтва Мінгарвыканкама, завод будаўнічых канструкцый ААТ «Мінскжалезабетон», завод жалезабетонных вырабаў УП «Мінскметрабуд». Адкрыццё грузавой станцыі павысіла эфектыўнасць прадпрыемстваў і паўплывала на далейшае развіццё прамысловай зоны Шабаны, дзе ў далейшым была арганізавана свабодная эканамічная зона.

1980-2000 - цэнтралізацыя стрэлак, далучэнне ААТ «МАЗ»

У гэты час на пад'язных пуцях абслугоўваных прадпрыемстваў праводзіліся работы па рэканструкцыі і павышэнні ўзроўню механізацыі пагрузачна-разгрузачных работ. Пабудаваны і здадзены ў эксплуатацыю павышаныя шляхі для выгрузкі друзу і прыёмныя прылады для цэменту.

Да адкрыцця станцыі Шабаны вагоны для аднаго з найбуйнейшых прадпрыемстваў СССР ААТ «МАЗ» падаваліся са станцыі Сцяпянка праз чыгуначны пераезд на Партызанскім праспекце, што тым самым стварала значныя цяжкасці для працы гарадскога транспарта. У асобныя суткі рух гарадскога транспарту спыняўся на 40 хвілін.

Аднойчы ў такім корку апынуўся ўрадавы картэж Кампартыі БССР, што таксама паслужыла падставай прыняць рашэнне аб рэканструкцыі станцыі Шабаны і пераключэнні вагонапаток для прадпрыемства ААТ «МАЗ» на станцыю Шабаны, тым самым разгрузіўшы праспект сталіцы.

За кошт сродкаў ААТ «МАЗ» былі пабудаваны новы будынак адміністрацыйна-бытавога корпуса (АБК), пост ЭЦ і сартавальная горка. Электрычная цэнтралізацыя стрэлак і сігналаў была запушчана ў 1987 годзе, а ў сакавіку 1988 года ажыццеўлена першая падача вагонаў для ААТ «МАЗ» лакаматывам станцыі Шабаны.

У 1989 годзе арганізаваны філіял таварнай канторы станцыі Шабаны на тэрыторыі ААТ «МАЗ», які ўзначаліла начальнік грузавога раёна Галіна Іванаўна Грынцэвіч, на гэтай пасадзе працавала да 2014 года. Увесь гэты час яе непасрэдным кіраўніком з'яўлялася намеснік начальніка станцыі па грузавой працы Вера Сцяпанаўна Дзедзянок.

2002 год - станцыі Шабаны 30 гадоў

На чале станцыі ў той перыяд знаходзіўся Уладзімір Міхайлавіч Салдацёнак. Потым дзякуючы свайму прафесіяналізму ён быў прызначаны на пасаду начальніка грузавога аддзела Мінскага аддзялення Беларускай чыгункі.

2017 год - электрыфікацыя

Запушчана электрыфікацыя перагону Калодзішчы-Шабаны. Па новым маршруце накіроўваюцца саставы з небяспечнымі грузамі і кантэйнерныя цягнікі ў абход Мінскага чыгуначнага вузла.

2020 - цяперашні час

Па выніках работы за першае паўгоддзе 2020 года станцыя Шабаны перамагла ў галіновым спаборніцтве сярод станцый 1 класа на Беларускай чыгунцы.

Па выніках працы за 2020 год станцыя Шабаны ўпершыню стала ўладальніцай прэміі імя машыніста В.А.Яцкевіча.

Такія высокія ўзнагароды сталі магчымыя дзякуючы ўпартай працы ўсяго працоўнага калектыву - палепшана тэхналогія работы станцыі, дзякуючы чаму былі выкананы ўсе справаздачныя паказчыкі.

Сёння на станцыі адкрыты Лінейны цэнтр транспартнага абслугоўвання «Шабаны». Аб аб'ёме і геаграфіі лагістычных інтарэсаў ЛЦТА «Шабаны» сведчыць колькасць заключаных дагавораў - іх больш за 150. Асноўныя кліенты станцыі: ААТ «МАЗ», Мінскі завод колавых цягачоў, завод жалезабетонных вырабаў КУП «Мінскметрабуд», ААТ «Камплект», УДМСіБ і інш.