Ёсць нагода ганарыцца!
11 красавіка 2023
6 красавіка 2023 года ў Культурна-спартыўным цэнтры УП «Мінскае аддзяленне Беларускай чыгункі» адбыўся конкурс « Міс і Лідэр малой Беларускай магістралі» сярод юных чыгуначнікаў Дзіцячай чыгункі імя К.С.Заслонова. Мэта правядзення конкурса – рэалізацыя дзяржаўнай маладзёжнай палітыкі на Мінскім аддзяленні Беларускай чыгункі.
У конкурснай праграме прынялі ўдзел дзесяць рабят: пяць дзяўчат і пяцёра юнакоў – выхаванцаў дзіцячай магістралі.
У складзе кампетэнтнага журы прысутнічалі начальнік Дзіцячай чыгункі імя К.С.Заслонова Маркаў Максім Аляксандравіч, дырэктар Культурна-спартыўнага цэнтра чыгуначнікаў Праскурава Наталля Варленаўна, сакратар галіновага камітэта АА БРСМ Рандоўцаў Павел Іванавіч, прэс-сакратар Беларускай чыгункі Казюцін Дзмітрый Аляксандравіч.
Старшыня журы – намеснік начальніка УП «Мінскае аддзяленне Беларускай чыгункі» Навуменка Павел Леанідавіч.
Конкурс складаўся з пяці этапаў. Першы этап – «Мой мір учора, сёння, заўтра». Кожны ўдзельнік прадставіў сваю візітную картку, дзе расказаў пра сябе, сваім ладзе жыцця, захапленнях і аб сваёй мары. Візітоўкі былі па-свойму цікавыя і арыгінальныя, але ў кожнай прагучала тое, што аб'ядноўвае ўсіх удзельнікаў конкурсу – гэта захапленне чыгункай.
Кемлівасць, логіку, эрудыцыю рабяты праявілі, адказваючы на пытанні з розных абласцей ведаў у інтэлектуальнай размінцы «Бліц-апрос».
У наступным этапе «Хвіліна славы» удзельнікі конкурсу паказалі разнастайнасць свайго таленту і сапраўднае майстэрства. Кожны выступ быў унікальным і непаўторным.
Здзівілі ўсіх юныя ўдзельнікі і сваімі нечаканымі творчымі рашэннямі ў перспектыўным этапе конкурсу «Якой я бачу Дзіцячую чыгунку ў будучыні».
Патэнцыял у рабят велізарны: столькі ідэй, задумак, праектаў, і ўсё жадаецца рэалізаваць, каб іх любімая магістраль –вузкакалейка і ў будучыні квітнела.
Самым яркім этапам конкурсу стаў «Вясновы калаж», дзе дзяўчаты дэфіліравалі ў сваіх вясновых уборах з наступным апавяданнем аб іх уборы ў розных жанрах, а юнакі дэманстравалі загадзя прыгатаваны, або набыты арыгінальны букет кветак, чыталі выдатныя вершы і дарылі свае вясновыя шэдэўры ўдзельніцам конкурсу. Творчая фантазія, выдумка, артыстызм пакарылі і гледачоў, і журы.
Усе ўдзельнікі конкурсу вельмі хваляваліся, але стараліся трымацца годна, і ў кожнага з іх ёсць нагода ганарыцца!
Пераможцамі конкурсу сталі Міс малой Беларускай магістралі – Ксенія Навумава, Лідэр малой Беларускай магістралі – Максім Федарынчык.
Усе ўдзельнікі конкурсу былі ўзнагароджаны памятнымі дыпломамі і падарункамі ад Мінскага аддзялення Беларускай чыгункі.
Выдатныя выступленні, падтрымка балельшчыкаў, мора эмоцый, цудоўны настрой зрабілі свята незабыўным. Да спісу навін за 2023 год