26 мая 2023

Шматдзетная сям'я – гэта дар і талент, вялікая нялёгкая бацькоўская праца. Падарыць жыццё, вырасціць і выхаваць выдатных, таленавітых, працавітых дзяцей – гэта патрабуе вялікіх душэўных сіл, самааддачы, клопату, але затое ў шматдзетнай сям'і і радасці, і шчасця, і любові, і смеху больш. Існуе крылатая фраза пра тое, што нават невялікі дом з цёплым сямейным агменем можа змясціць цэлы сусвет.

     Гісторыя дзіўнай сям'і Шпак раскрывае сэнс гэтай фразы. А ўсё пачыналася з кахання. Яны пазнаёміліся 13 гадоў таму ў Аршанскай дыстанцыі сігналізацыі і сувязі, дзе Анастасія працуе электрамеханікам, а Аляксандр старэйшым электрамеханікам. Яна-стройная, пяшчотная, прыгожая і ён – мужны, адказны. Вялікае і моцнае пачуццё аб'яднала іх. Так і пайшлі па лёсе разам.

     Вяршыняй кахання, вядома ж, сталі дзеці. Іх у Анастасіі і Аляксандра трое. Тры цудоўныя дзяўчынкі-гэта татава радасць і мамчыны сяброўкі і памочніцы.

     Дзеці прыходзяць у гэты свет ужо са сваімі задаткамі, характарамі, здольнасцямі. Так і ў сям'і Шпак. Яны такія прышпільныя, дапытлівыя і такія розныя, але аднолькава любімыя. Мілена захапляецца спевам, маляваннем і замежнымі мовамі. Кацярына займаецца ў секцыі гандбола, наведвае гурток рукадзелля. Лізавета ходзіць у секцыю дзюдо і мастацкі гурток па маляванні. Бацькі дзякуюць лёс за кожную з іх. Бо ў дзецях яны знаходзяць і радасць, і шчасце, і сэнс свайго жыцця і любові, таму што толькі ў каханні выхоўваюцца гарманічныя, цікавыя асобы, раскрываецца патэнцыял кожнага дзіцяці.

     У гэтай дружнай сям'і створана атмасфера дабрыні, узаемаразумення і павагі. Яны вядуць актыўны лад жыцця, маюць домік у вёсцы, Уласны падворак, дзе вырошчваюць гародніну і ягады, трымаюць пчальнік. Дзеці вельмі любяць дапамагаць па гаспадарцы, ім цікава самім вырошчваць розныя культуры. Усе вельмі любяць жывёл. Кожны год ездзяць адпачываць у санаторый «Талька» і падарожнічаюць па Беларусі: Брэсцкая крэпасць, Белавежская пушча, Мірскі замак і іншыя славутасці. Выязджаюць з намётамі на прыроду з рыбалкай.

     Гэта так выдатна, калі дом поўны дзіцячага смеху, дзіцячай радасці, дзіцячых свавольстваў, дзіцячых поспехаў. А любові і клопату ў сям'і Шпак хопіць на ўсіх!