26 мая 2023

Сям'я і сямейныя каштоўнасці-гэта найважнейшы падмурак, на якім будуецца жыццё любога чалавека. Фарміраванне асобы пачынаецца менавіта ў сям'і: сямейныя каштоўнасці прышчапляюць патрэбныя навыкі для гарманічнага развіцця цэласнай натуры.

Дзеці-кветкі жыцця. Дзецям у першую чаргу патрэбен у сям'і мір і дабрабыт. Да іх неабходна праяўляць добразычлівасць і на ўласным прыкладзе паказваць, як важная сям'я, тлумачыць, чаму неабходна шанаваць традыцыі.

Сёння мы раскажам пра сям'ю Таццяны Каралевіч - электрамеханіка Маладзечанскай дыстанцыі сігналізацыі і сувязі, якая сумесна з мужам Аляксандрам, выхоўвае траіх чароўных дзяцей: Аліну, Багдана, Мілану. Таццяна працуе ў дыстанцыі вось ужо 13 гадоў, працягваючы дынастыю чыгуначнікаў. Пра сваю сям'ю Таццяна кажа: - «Яна самая звычайная, такая ж, як і большасць беларускіх сем'яў. У ёй, як і ў любой сям'і, ёсць свае правілы, сакрэты, радасці і смутак, узлёты і падзенні». Але ўсе, хто знаёмы з сям'ёй Каралевіч, ведаюць пра сціпласць Таццяны. Бо ў гэтай сям'і ўсё робіцца разам, а, таксама, падыходзіць крылатая фраза пра тое, што нават невялікі дом з цёплым сямейным агменем можа ўмясціць цэлы сусвет.

Старэйшая дачка Аліна цікавіцца музыкай, нядаўна скончыла дзіцячую музычную школу, неаднаразова ўзнагароджвалася граматамі і падзякамі за актыўную канцэртную дзейнасць і дасягнутыя творчыя поспехі.

Самым малодшым прадстаўнікам сям'і - Багдану і Мілане 6 і 4 гады. Яны яшчэ не вызначыліся, кім хочуць стаць у гэтым жыцці. Іх, таксама, як і Аліну, прыцягвае музыка. Але нават у гэтым узросце ў іх ужо выяўляецца актыўнасць, мэтанакіраванасць, талент добрых арганізатараў. Спадзяемся, калі яны вырастуць, стануць не толькі прафесіяналамі ў абранай дзейнасці, але і будуць добрымі, справядлівымі людзьмі, як і ўсе члены сям'і.