15 мая 2024

1 мая 2024 года на Дзіцячай чыгунцы імя К.С.Заслонава адбылося адкрыццё 69-га сезона руху цягнікоў.

На пероне станцыі Заслонава сабраліся юныя чыгуначнікі, іх сябры, бацькі, выпускнікі дзіцячай магістралі.

Сезон руху цягнікоў для юных чыгуначнікаў - гэта праверка тэарэтычных ведаў на практыцы, а для хлопчыкаў і дзяўчынак 1-га года навучання - першы і вельмі важны этап знаёмства з чыгуначнымі прафесіямі.

Лінейка, прысвечаная адкрыццю сезона, прайшла ярка і ўрачыста: словы на дарогу старэйшага пакалення, прысвячэнне выхаванцаў дзіцячай магістралі 2-га года навучання ў юныя чыгуначнікі, уручэнне дыпломаў пераможцам шашачнага і шахматнага турніраў, прыемныя музычныя моманты.

Цёплае майскае сонечнае надвор'е садзейнічала пазітыўным эмоцыям і выдатнаму настрою.

Начальнік Дзіцячай чыгункі Маркаў Максім Аляксандравіч аб'явіў аб адкрыцці 69-га сезона руху цягнікоў, і наперадзе ў калектыва дзіцячай магістралі і юных чыгуначнікаў адказная работа - забеспячэнне бяспекі і якаснага абслугоўвання пасажыраў.

Святочнае мерапрыемства, прысвечанае Дню Перамогі, адбылося на Дзіцячай чыгунцы імя К.С.Заслонава 9 мая 2024 года.

Цягнік дзіцячай магістралі, стылізаваны пад ваенны эшалон, вез пасажыраў на станцыю Сасновы бор, дзе на лясной паляне для дарослых і дзяцей была прадстаўлена яркая і вельмі насычаная праграма з удзелам творчых калектываў Культурна-спартыўнага цэнтра УП "Мінскае аддзяленне Беларускай чыгункі", прадстаўнікоў Міністэрства абароны і Акадэміі МУС Рэспублікі Беларусь.

З вялікай цікавасцю пасажыры назіралі за вядзеннем рукапашнага бою, мелі магчымасць праверыць сваю трапнасць у ціры, убачылі працэдуру зняцця адбіткаў пальцаў у палатцы, арганізаванай кафедрай крыміналістыкі Акадэміі МУС, разглядалі рарытэтныя мадэлі міліцэйскіх аўтамабіляў.

Разам з юнымі чыгуначнікамі маленькія пасажыры малявалі на асфальце рознакаляровымі крейдамі, гулялі, удзельнічалі ў конкурсах, спявалі і танчылі з роставымі лялькамі.