Вiншуем!
18 красавіка 2013
ПаважаныАляксандр Мікалаевіч!Кіраўніцтва і раённы камітэт прафсаюза чыгуначнікаўМінскага аддзялення Беларускай чыгункіМінскага аддзялення Беларускай чыгункісардэчна віншуюць Вас і давераны Вам калектыўз 35-годдзем творчай дзейнасці!
Ваш працоўны калектыў адданы сваёй справе ўжо на працягу 35 гадоў. Сёння Палац культуры і спорту чыгуначнікаў жыве поўным і насычаным жыццём. Тут займаюцца калектывы мастацкай самадзейнасці, якія вядомыя далёка за межамі Рэспублікі Беларусь, праводзяцца вечары адпачынку для моладзі, людзей сярэдняга і пажылога ўзросту, мерапрыемствы для дзяцей. На сцэне глядзельнай залы праходзяць тэатралізаваныя прадстаўленні і канцэрты, спектаклі тэатральных калектываў і гастралёраў.
Неацэнная роля работнікаў, якія арганізуюць вольны час для дзяцей і дарослых — ствараюць умовы для адпачынку і сустрэч, праводзяць святы і канцэртныя праграмы, ажыццяўляюць работу клубных фарміраванняў розных напрамкаў. Творчыя калектывы Палаца культуры і спорту чыгуначнікаў з’яўляюцца актыўнымі ўдзельнікамі гарадскіх і раённых мерапрыемстваў, розных фестываляў і конкурсаў.
Няхай і далей чыгуначнікі і жыхары горада Мінска знаходзяць у Вашых гасцінных сценах цяпло і ўтульнасць, атрымліваюць веды, набываюць сяброў і рэалізоўваюць свае творчыя здольнасці!
Жадаем Вам і ўсяму калектыву невычэрпнай творчай энергіі, прафесійнага росту, новых дасягненняў, натхнення і поспеху ў рэалізацыі ўсіх намечаных планаў!
Начальнік аддзялення чыгункі |
Старшыня раённага камітэта прафсаюза чыгуначнікаў |
І. С. Шылаў |
В. М. Ананенка |
Да спісу навін за 2013 год