Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Мінскае аддзяленне Беларускай чыгункі

Дзіцячая чыгунка

 

На чыгуначным пероне — мітусня. Клапатлівыя пасажыры і праважаючыя развітваюцца адзін з адным. Вось-вось надыдзе доўгачаканая хвіліна адпраўлення: злёгку здрыгануцца вагоны, загрукаюць колы і пабяжыць па рэйках цягнік у свой звычайны шлях.

Многім знаёмая вакзальная мітусня, хто з нас не трапляў у яе? Але тое, што адбываецца тут, па-свойму новае і незвычайнае. Таму што і вакзал тут асаблівы, і пасажыры расстаюцца зусім ненадоўга, і нядоўгі пуць, па якім бягуць вагончыкі. Падарожжа па Дзіцячай чыгунцы — прыемнае і няўтомнае, па дарозе толькі тры станцыі - Заслонава, Піянерская і Сасновы Бор. Станцыю Заслонава, размешчаную на праспекце Незалежнасці, ведаюць усе мінчане, і менавіта сюды ўпершыню прыходзяць будучыя юныя чыгуначнікі і іх пасажыры.

Пасажырскія перавозкі на Дзіцячай чыгунцы ажыццяўляюцца ў летні перыяд: май — верасень, у зімовы — падчас калядных канікул.

30 верасня 2012 года Дзіцячая чыгунка імя К. С.Заслонава паспяхова завяршыла 57-ы сезон руху цягнікоў. За выдатныя паказчыкі праходжання вытворчай практыкі, якаснае і культурнае абслугоўванне пасажыраў юныя чыгуначнікі былі ўзнагароджаны падзякамі і граматамі.

Дзіцячая чыгунка развітваецца са сваімі пасажырамі, але ненадоўга.

З 22 снежня па 7 студзеня стартуе папулярны сярод мінчан і гасцей сталіцы праект «Навагодні экспрэс (гл. "Нашы праекты").