.png)
Гран-пры адправіўся ў Оршу
31 мая 2016
Трыумфальным стала выступленне ўзорнага ансамбля танца «Ві-за-ві" Аршанскага Дома культуры чыгуначнікаў у міжнародным адукацыйным праекце «Апельсінавая
бяроза». У парад конкурсе лаўрэатаў фестывалю апошніх трох гадоў, які праходзіў у Маскве, беларускія танцоры заваявалі найвышэйшыя ўзнагароды.
Калектыў быў прадстаўлены практычна поўным складам — у расійскую
сталіцу прыехалі і старэйшая, і сярэдняя, і малодшая групы. Прывезлі шэсць танцавальных нумароў - «Вясёлы аўтобус», «Фані стайл», «Весялуха»,
«Рускія ўзоры», «Васілёк», «Руды Ап». Прафесійнае журы, у склад якога ўвайшлі артысты эстрады, тэатра, кіно, кампазітары, выкладчыкі
вакалу, харэографы, вельмі высока ацаніла майстэрства аршанскіх танцораў. У прыватнасці, заслужаны работнік культуры Рэспублікі Башкартастан, лаўрэат міжнародных конкурсаў балетмайстраў,
мастацкі кіраўнік тэатра танца «Інтрыга» (г. Масква) Ігар Севасцьянаў адзначыў прафесіяналізм юных беларусаў, якія зараджаюць сваёй энергетыкай, дадаўшы пры гэтым, што гледзячы на
іх, хочацца ўстаць і затанцавала разам … А са спеваком і кампазітарам, заслужаным дзеячам культуры Расіі Ігарам Дунаевым хлопцы i дзяучаты выступілі ў фінальным
нумары.
Юныя артысты з Беларусі прызнаны лепшымі і атрымалі тры дыпломы лаўрэатаў 1-й
ступені: два — у намінацыях «Харэаграфія. Эстрадны танец «(сярэдняя і
малодшая група) і Харэаграфія. Народна-стылізаваны танец «(сярэдняя група).Дарэчы, удзельнікі сярэдняй групы ансамбля ўжо не навічкі ў конкурсах. Менавіта яны прынеслі ў скарбонку калектыву найбольшую колькасць дыпломаў лаўрэатаў, а таксама Гран-пры. ДДля лідарау і ў другой намінацыі танцораў з двух малодшых груп гэта першы выезд на такi прадстаўнічы конкурс і першая, такая значная, перамога.
Галоўную ўзнагароду фестывалю — гран- пры — уручылі двойчы — прафесіяналам і аматарам, сярод якіх лепшым быў прызнаны ўзорны ансамбль танца
«Ві- за-ві". Акрамя таго, яго кіраўнік Алеся Васілеўская атрымала тры дыпломы — за прафесіяналізм, педагагічнае майстэрства і як лепшы
балетмайстар.
Выступленню «Ві-за-ві" у Маскве папярэднічаў не меншы трыумф ў Оршы ў рамках гэтага міжнароднага конкурсу. Тады калектыў стаў лаўрэатам 1-й ступені ў дзвюх
намінацыях, а Алеся Васілеўская таксама была названая лепшым балетмайстрам. Яшчэ адной узнагародай стала запрашэнне на міжнародны фестываль у Сочы, які пройдзе ў чэрвені гэтага года,
і грашовы сертыфікат для ўдзелу ў ім.
У вольны ад рэпетыцый і выступленняў час, якога было не так шмат, юныя аршанцы наведалі заапарк, пагулялі па вуліцах Масквы: былі на Краснай плошчы,
на Арбаце, ўбачылі яшчэ шмат прыгожых месцаў, якія запомняцца надоўга.
Вольга НІКАЛАЕВА
