Лакаматыўнае дэпо Мінск - найбуйнейшае шматпрофільнае рамонтна-эксплуатацыйнае прадпрыемства Мінскага аддзялення Беларускай чыгункі. Яго асноўная задача — забеспячэнне перавозачнага працэсу, прафесійная эксплуатацыя і рамонт цягавага рухомага саставу.

Перыядычнасць і аб'ём работ па аднаўленні рэсурсу машын і механізмаў, інфраструктурных аб'ектаў арганізавана на прадпрыемстве ў адпаведнасці з сістэмай планава-папераджальнага рамонту.

Калектыў уносіць важкі ўклад у надзейнае і бесперабойнае функцыянаванне не толькі свайго аддзялення, але і ўсёй Беларускай чыгункі. Яго работа накіравана на паляпшэнне тэхналагічных працэсаў, павышэнне якасці рамонтных работ, пошукі новых прагрэсіўных тэхналогій і стварэнне дастойных умоў працы работнікаў. Тут у поўнай меры забяспечаны грузавыя і пасажырскія перавозкі, манеўровы, перадатачна-вывазны і гаспадарчы рух, тэхнічнае абслугоўванне, рамонт і экіпіроўка магістральных і манеўровых лакаматываў: цеплавозаў, электравозаў, а таксама дызель-цягнікоў. Асноўны ўпор робіцца на эксплуатацыйную работу, забеспячэнне бяспекі руху цягнікоў і падрыхтоўку спецыялістаў. 

Пасажырскія і грузавыя перавозкі

Лакаматыўныя брыгады ажыццяўляюць перавозкі пасажыраў на ўчастках:

• Орша - Мінск - Брэст - Гомель на электравоз ЧС4т, ЧС8, ЭП-20.
• Мінск - Вільня, Гомель, Гродна на цеплавозах серыі ТЭП70БС, дызель-цягнік ДП3.

Грузавыя перавозкі на ўчастку Мінск - Баранавічы, Брэст, Жлобін, Маладзечна, Орша ажыццяўляюцца электравоз серыі ВЛ80^с, БКГ1.

У дэпо пастаянна ўдасканальваецца сістэма падрыхтоўкі і перападрыхтоўкі, павышэння ўзроўню кваліфікацыі лакаматыўных брыгад. Расце майстэрства, павышаецца іх класнасць. Працэс навучання праходзіць як у навучальных групах, так і індывідуальна. Для чаго створана салідная матэрыяльна-тэхнічная база — вучэбныя класы і трэнажоры. Пры гэтым наяўнасць высокакваліфікаваных спецыялістаў дае магчымасць праводзіць навучанне чыгуначным прафесіям непасрэдна на вытворчасці.

Рамонтная база